Американскиот милијардер Илон Маск најави дека очекува клиничките испитувања на безжичниот мозочен чип развиен од неговата компанија „Neuralink“ да започнат врз луѓето за шест месеци.
„Neuralink“ развива мозочни чипови кои се дизајнирани да им овозможат на луѓето со парализа да ја вратат моторната функција и да лекуваат мозочни заболувања како што се Паркинсоновата, Алцхајмерова болест или деменција.
Во последниве години, компанијата спроведе тестови на животни додека чекаше одобрение за тестирање од луѓето на американската Администрација за храна и лекови (ФДА), пренесува „Ројтерс“.
„Сакаме да бидеме крајно внимателни и да се увериме дека чиповите ќе работат добро пред да ги вметниме кај нашиот народ. Сепак, ние сме целосно подготвени, а за околу шест месеци треба да добиеме и дозвола за тестирање на чипот“, рече Маск за време на обраќањата на презентацијата, која траеше речиси три часа.
