Само тој може да игра вака херојски, без разлика на повредата и болката, напиша сопругата на Пике.
По фудбалскиот натпревар Барселона – Реал Мадрид, на кој Барселона извојува убедлива победа од 4:0, меѓу навивачите на победничкиот тим кои ги провоцираа противниците се најде и колумбиската пејачка Шакира.
Таа на својот Инстаграм профил објави фотографија на која покажува четири прсти и истакна колку е горда на својот сопруг Пике.
– Жерар не ми дозволува ова јавно да го кажувам… Само тој може да игра вака херојски, без разлика на повредата и болката и да даде се од себе. Не затоа што ми е сопруг, туку затоа што е најдобриот стопер на светот. Реков! – напиша Шакира под фотографијата.
