По 6 години борба со неплодноста, Саманта Мари ќе се радува на две бебенца.
Среќната трудница одлучи да ја изненади својата сакана баба со прекрасната вест, а видеото од тој момент разнежни многу лица.
Во него, идната мајка ѝ покажува бебешко боди на 90-годишната бабичка, а таа не може да поверува што се случува. „Ќе те прашував дали планирате да посвоите, бидејќи мислев дека не можеш да забремениш“ – ѝ вели бабичката.
Веднаш потоа, Саманта го покажува уште едното боди, откривајќи ѝ дека станува збор за близнаци.
Саманта ја изгубила својата мајка пред шест години, па нејзината баба верувала дека овие бебиња се подарок испратен од неа.
