Градоначалникот на Општина Штип, Иван Јорданов, упати повик до активистите на Спаси Живот Штип – Здружение за заштита на животни, утре со почеток од 11:00 часот во просториите на Општина Штип, заеднички да дебатираат за благосостојбата на бездомните кучиња!
„Најпрво би сакал да се заблагодарам на Спаси Живот Штип – Здружение за заштита на животни, кои будно ја следат состојбата со животните во нашата општина и активно се залагаат за благосостојбата на бездомните кучиња. Мојата комуникација до сега беше со Milka Dokuzova и др. Senad Arslan, но како човек кому му е дадена доверба од граѓаните, би сакал лично да ги слушнам реакциите од споменатото здружение. Нашите намери се искрени и во интерес на заедницата, затоа утре во 11:00 часот ги поканувам на состанок во Општина Штип, на кој би дискутирале за моменталните состојби и би сакал да слушнам сугестии, на кој начин, политиките на општината да бидат насочени кон здрави услови за живот на секое живо битие во нашиот град“, стои во соопштението на Јорданов.
