Музичкиот фестивал „Макфест“ годинава ќе се одржи на 21 и 22-ри октомври во Домот на културата „Ацо Шопов“ во Штип. На него ќе настапат околу 25 изведувачи, а меѓу нив ќе бидат Тамара Тодевска, момците од „Два Бона“, Викторија Лоба, Ламбе Алабаковски, Андреа Коевска, со дует ќе се претстават Пајак и Лара Иванова, атрактивната Андрија Петрушевска и многу други.
На фестивалот досега имаат настапено стотина изведувачи, најмногу од Македонија, а имало и од земјите од регионот и пошироко, но она што го прави посебен, е голмиот број хитови и многу евергрини во секакви стилови и жанрови. Уметничкиот директор, Роберт Саздов, рече дека и годинава интересот е голем кај македонските артисти и дека ќе доминираат модерните звуци.
