Македонската фудбалска репрезентација вечерва со почеток во 20:45 часот во рамките од квалификациите игра против Украина. Ова е втор меч за двете селекции. На првиот натпревар Македонија победи против Малта со 2:1, а Украина загуби од Англија со 2:0.
Според очекувањата, иако е гостин, селекцијата на Украина е фаворит. Најавите од нашиот табот, пред се од селекторот Благоја Милевски и капитенот Стефан Ристовски се дека вечерва ќе се оди на втора победа во квалификациите, иако потенцираат дека Украина е силна репрезентација.
Селекторот на фудбалската репрезентација на Украина, Сергеј Ребров имаше само пофални зборови за селекцијата на Македонија пред утрешниот меч.
„Македонија ја исфрли Италија во плеј-офот за Светското првенство 2022, ја совлада и Германија на гости. Го сфаќаме натпреварот многу сериозно. Мора да го почитуваме противникот, но и да размислуваме на нашата игра“, истакна Ребров.
Македонија и Украина досега пет пати се сретнале. Статистиката е на страната на Украинците. Единствената победа ја забележавме во 2004 година кога дел од репрезентацијата беше сегашниот селектор на Украинците, Сергеј Ребров. Тогаш победивме со 1:0 со голот на Горан Ставревски.
ДУЕЛИ ПОМЕЃУ МАКЕДОНИЈА И УКРАИНА
2003: УКРАИНА – МАКЕДОНИЈА 0:0
2004: МАКЕДОНИЈА – УКРАИНА 1:0
2014: УКРАИНА – МАКЕДОНИЈА 1:0
2015: МАКЕДОНИЈА – УКРАИНА 0:2
2021: УКРАИНА – МАКЕДОНЈА 2:1