По крајот на сезоната 2021/2022, првата прволигашка по цели пет години второлигашко дејствување на „сините“, ФК Брегалница се одлучи за завршување на соработката со седум фудбалери.
Како што информираат штипјани, со завршувањето на сезоната 2021/2022 завршија и договорите со клубот за голманот Илче Петровски, дефанзивците Наумче Бакрачески, Филип Миленковски и Хрватот Диего Живулиќ, и фудбалерите од средниот ред Владимир Дујовски, Бобан Георгиев и Кристијан Ацковски.
По меѓусебните разговори, со крајот на натпреварувачките активности, со дел од нив не е договорена натамошна соработка а за некои од нив одлучено е да не се понудат нови договори, согласно и амбициите на клубот за следната сезоната кои се на едно повисоко ниво. „Секој од фудбалерите со кои ја завршуваме соработката силно е врежан во историјата на клубот.