Цената на лебот во Македонија низ маркетите се движи од 50 до 95 денари зависно дали е обичен, бел или интегрален леб.
Некои од домаќинките веќе размислуваат да месат леб, но и брашното е околу 50 денари, а ако на тоа се додаде дека треба да потроши и струја, велат ни таа варијанта не се исплаќа. Дури и четврт бурек стигна до 75 денари. Ова се цените што ги затекнавме утрово од нашата обиколка во поголемите маркети низ градот.
Споредено со земјите од регионот во Македонија лебот е најскап и се приближува до цената на лебот во европските земји.
- Србија 29 денари (цената е замрзната)
- Косово 0.50 центи (30 денари)
- Грција 0.83 центи (51 денар)
- Германија 1.23 евра (75 денари)
- Франција 1.53 евра (94 денари)
Во меѓувреме во тек е и жетвата на лебното зрно, за кое пак земјоделците се жалат дека е откупната цена е ниска, а доколку среде откуп сакаат да се зголеми цената на лебот, ќе бараат повисоки цени и за пченицата.