Активистката Кристина Ампева во своето вечерашно гостување во емисијата „Економски Магазин“ на Алсат посочи дека според нивните информации во маркетите во земјава домашните производи се мошне поскапи од увозните и оти некои артикли кај нас се поскапи од оние коишто се наоѓаат на продажните рафтови во некои европски држави.
„Во маркетите гледаме дека увозните производи се поевтини од домашните и оти цените на некои производи се покачени и за над 100%. Во земји на ЕУ и во регионот македонските производи се продаваат по поевтина цена и може да се забележи дека едни Германци, со 1.200 евра минималец, кашкавалот не им е 1.300 денари како што е тоа кај нас“, рече Ампева.