Научниците сметаат дека од автомобилот останала само алуминиумската рамка
Извршниот директор на Tesla, Илон Маск, може да прави што сака… Тој е косопственик на компанија која произведува електрични автомобили, а во исто време гради вселенски ракети во SpaceX. Тој ги обедини двете страсти пред четири години кога го искористи тестот на новата ракета Flacon Heavy за лансирање во вселената на електричниот Tesla Roadster со кукла од вселенски патник, наречена Starman, по песната на Дејвид Боуви. Со многу публицитет, се помина добро, а потоа добивме и снимки од автомобилот во вселената. На hi-fi системот на автомобилот, непрекинато свиреше Space Oddity на Боуви, сè беше полно со симболика, а Маск повторно профитираше бидејќи промоцијата на двата бизниси помина одлично.
Што останало од Roadster? Камерите одамна се изгаснати, исто како и музиката. Сите материјали како кожа, гума или боја се распаднати, изложени на екстремно зрачење. Универзумот е негостољубива средина. Научниците сметаат дека од автомобилот останала само алуминиумската рамка. Некои проценуваат дека дури и ќе падне на Земјата, но за неколку милиони години…
