Министерката за надворешни работи Теодора Генчовска и амбасадорот на Бугарија во Македонија Ангел Ангелов веднаш се упатија кон Битола, јавува БТА. Посетата на Генчовска и амбасадорот Ангелов е предизвикана од палењето на вратата на клубот „Иван Михајлов“ во Битола.
Делегација од Министерството за надворешни работи на Бугарија предводена од министерката Теодора Генчовска денеска и утре ќе престојува во работна посета на Македонија.
Посетата се реализира по покана на министерот за надворешни работи Бујар Османи, а е во функција на дијалогот меѓу двете министерства за адресирање на отворените билатерални прашања, согласно Договорот за пријателство, добрососедство и соработка, и прашањата за евроинтеграцијата на Македонија.
