Цеца Ражнатовиќ, која неодамна ги посети Малдивите, синоќа во емисијата на „Ѕвездите на Гранд“ се појави со таканаречените „пеперутки очила“ кои го привлекоа вниманието на гледачите бидејќи се меѓу најновите трендови, а познато е дека Цеца внимателно избира со што ќе се појави на емисија.
Многумина често се прашуваат колку Цеца троши на своите стајлинзи, но познато е дека фолк ѕвездата никогаш не сака да зборува за пари или да открива колку троши на комбинациите во кои се појавува пред камера.
Пејачката приватно сака сосема поинаква гардероба, но внимава на секој детаљ за сцената, па синоќешниот стајлинг го надополни со екстравагантни очила за сонце „Валентино“, кои според многумина го украдоа шоуто.
Како што може да се најде на интернет, цената на модниот детаљ на познатиот бренд е околу 530 евра.
