Утре ќе се спроведе втората тереистичка дезинсекција на комарци на територија на општина Штип. Прскањето е закажано за утре, среда (18 мај), во периодот од 01 до 07 часот наутро.
Општина Штип уништувањето на комарците ќе го спроведе преку овластена фирма, со УЛВ апаратура за ладно запрашување. Ќе бидат опфатени зелените подрачја, подрачјата по теченијата на реките Брегалница и Отиња, застојни води и подрачја околу каналниот систем, урбаните населби и локалитети.
Во случај на неповолни услови (ветер, дожд и др.) дезинсекцијата се одложува за следниот поволен ден. Воедно, се известуваат пчеларите навремено да ги преземат потребните мерки за заштита на пчелите.