Битолчани денеска во голем број се собраа во центарот на градот протестирајќи против отварањето на бугарскиот клуб „Ванчо Михајлов ВМРО“. На отворањето свое обраќање имаше и премиерот на Бугарија, Кирил Петков.
На протестот се истакнати неколку транспаренти против политиките на бугарската влада кон македонското малцинство и актуелните политички случувања во преговорите меѓу двете земји.
На Широк сокак забележително е присуство на голем број полициски екипи кои го обезбедуваат просторот и не дозволуваат лицата кои протестираат да се доближат до клубот.
Петков е прв бугарски премиер кој ќе престојува во Битола. Тој рече дека во Битола доаѓа да ѝ даде поддршка на бугарската заедница во Македонија.
Бугарија го блокира почетокот на преговори на Македонија со ЕУ со тврдење дека земјава ја краде бугарската историја и дека македонскиот јазик е дијалект на бугарскиот. Двете земји преговараат за надминување на проблемите.
https://www.youtube.com/watch?v=75PfJzIoZKs&feature=emb_logo
