Репрезентативецот на Македонија, Бојан Миовски игра одлична сезона во Шкотска и на 27 натпревари постигна 15 гола со кои е трет стрелец во првенството. Сега шкотскиот „Дејли Ехо“ најавува дека по потписот на на Миовски ќе тргне актуелниот премиерлигаш Саутемптон.
Скаутите на тимот кој во овој момент е последен во Премиер лигата последен пат го следеле Миовски на дербито против Селтик и биле задоволни од она што го прикажал македонскиот голгетер. Миовски човек на одлука беше и за викендот, со својот гол кој го постигна ја одлучи средбата против Ливингстон (1:0).
Интерес за Миовски претходно имаше и од Франција (Рен) и Италија (Лацио), но за очекување е одлуката за својата иднина да ја донесе по завршувањето на сезоната.
Саутемптон во овој момент е последен на табелата во Премиер лигата со 18 бодови и четири помалку од Лидс кој е прв тим над опасната зона, па до крајот на сезоната го чека борба за опстанок.