Премиерот на Албанија, Еди Рама, коментирајќи ги уставните измени што треба да ги направи Република Македонија, рече дека иако Албанија има поинаков модел, истакна дека познава многу малцинства, вклучително и бугарското.
„Уставните измени ми се чини дека само злобата, кусогледоста и божемниот патриотизам можат да ги претворат во причина за меѓусебна поделба и да создадат простор да се создадат проблеми во оваа држава, додека оваа држава е на патот кон ЕУ. Можам да ви кажам дека ние во Албанија имаме поинаков уставен модел, но во парламентот препознавме значителен број малцинства, вклучително и бугарското малцинство и не изгледа дека ни се заканува некое малцинство, напротив, сметаме малцинствата голема вредност“, рече Рама одговарајќи на новинарско прашање.
