Францускиот гигант Пари Сен Жермен, десеткратен првак во Лига 1, официјално се пофали дека отвориле фанк-клуб во Македонија, кој станува еден од 150-те што парижаните ги имаат низ светот.
Во Македонија во изминатава деценија скоро секој гигант од кремот на европскиот фудбал има свој фанклуб во Македонија, чии приврзаници одат на мечевите на своите миленици како во домашните натпреварувања, така и во меѓународните, па последен во низата кој во земјава добива официјална навивачка група е ПСЖ.
Францускиот гигант се пофали дека во Македонија е отворен ваков фан-клуб, како и во Романија, па во моментов на Балканот има уште само два, еден во Бугарија и еден во Хрватска.
Не е ни чудо што ПСЖ има се повеќе приврзаници насекаде низ светот, откако после катарската инвестиција, клубот ги донесе најголем дел од најголемите светски фудбалски ѕвезди, меѓу нив и Лионел Меси кој од летото 2021 година е дел од парижаните откако бесплатно дојде од Барселона, а тука се Нејмар, Килијан Мбапе, Џиџо Донарума, Серхио Рамос, Марко Верати…, претходно играа Златан Ибрахимовиќ, Единсон Кавани…
