Денеска времето во Македонија ќе биде променливо облачно со сончеви периоди и со локални врнежи од дожд, особено во крајните западни и крајните источни делови. Попладне наместа ќе биде нестабилно со пороен дожд и грмежи. Ќе дува силен југозападен ветер. Кон крајот на денот на планините врнежите ќе преминат во снег.
Максималните дневни температури ќе достигнат во Скопје 16 Целзиусови степени, Маврово 4, Охрид 11, Битола, Крива Паланка и Берово 13, Кавадарци 18, Дојран 20.
И утре времето ќе биде променливо облачно, наутро посвежо со локални врнежи од дожд, особено во крајните западни и крајните источни делови. Ќе дува умерен, а наместа повремено засилен ветер од југозападен правец. На планините врнежите ќе бидат од снег. Дневните температури ќе се движат од 1 до 18 степени.
