Предмалку земјотрес е почувствуван во источна Македонија. Првичните информации детектираа потрес со јачина од над 1.9 според рихтер со епицентар во близина на Штип.
Штипјани веќе неколку денови по ред се под „штрек“ и паника, страв од неизвесност и материјални штети.
До нашата редакција пристигнаа коментари од загрижени граѓани, а кои потенцираа дека веднаш излегле надвор од своите работни места, но и дека тешко можат да се фокусираат на своите работни задачи.
Претходно, деканот на Природно-техничкиот факултет при Универзитетот „Гоце Делчев“-Штип, Ѓорѓи Димов истакна дека Штип и Свети Николе спаѓаат во зона два и е релативно стабилно подрачје, а во изминатите десет години имало неколку потреси со слична ваква јачина, односно со Рихтерова локална магнитуда од 3, но и дека нема потреба од паника.
