Како да ги задржиме младите е главниот проблем, а уште поголем проблем и предизвик е како да ги вратиме оние кои веќе заминале. Според податоците од Стопанската комора на Северна Македонија, над 9500 млади ја напуштаат земјава на годишно ниво, што е поразителна бројка.
Но, има и такви кои се одлучиле да се вратат откако завршиле студии во странство.
„Јас лично студирав во странство и се вратив назад, заради повеќе причини, меѓу кои и одговорноста, односно обврската кон домот, на кратко ќе кажам дека дома си е дома, меѓутоа за да остане тоа така треба да има и добар домаќин“, вели Војдан Јорданов.