Според премиерот Димитар Ковачевски, најавените антикризни мерки на Владата придонеле да се спречат поголеми ценовни шокови кај граѓаните на Македонија.
„Веднаш презедовме мерки кои беа насочени кон зачувување на стандардот на граѓаните со најниски приходи. Обезбедивме кредити со ниски каматни стапки. Спроведовме сеопфатен антикризен пакет од 600 милиони евра“, изјави Ковачевски.
Од друга страна, граѓаните од ден на ден го изразуваат своето незадоволство, потенцирајќи дека ваквото поскапување е веќе неподносливо, но и дека повеќе не може да се живее познатиот македонски „крпен живот“.
