„Ми беше многу, многу тешко. Многу сакам да јадам и со години килограмите само се таложеа, а јас воопшто не обрнував внимание на нив“, вели Крстиња Тодоровиќ која ослабе 88 килограми и комплетно го трансформираше својот изглед.
Крстиња Тодоровиќ е девојка од Црна Гора која направи драстична трансформација на својот изглед.
Таа тежеше 160 килограми кога се појави во едно регионално музичко натпреварување, а потоа направи операција на желудникот и ослабе повеќе од 88 килограми.
Поради драстичната промена во тежината, направи и хируршка интервенција за отстранување на вишокот на кожа.
Девојката, на која ѝ е заштитен знак моќниот вокал, сега е горда на својот изглед и постојано нагласува колку е среќна.
„Ми беше многу, многу тешко. Многу сакам да јадам и со години килограмите само се таложеа, а јас воопшто не обрнував внимание на нив. Знаев дека треба да ослабам, но никако не се случуваше тоа.
Постојано работев, имав настапи и некако тежината ја ставав во втор план. Сега, кога ќе се сетам, беше навистина страшно“, изјави Крстиња во едно ТВ гостување.