Младо лице денес беше спасено од урнатините во турската провинција Хатај во 201 час по разорниот земјотрес што минатиот понеделник ја погоди Турција.
Според турските медиуми, станува збор за 26-годишна девојка по име Мине Акгул.
Девојчето било забележано од операторот на копач, пишува Haberler.com.
„Веднаш ги алармиравме сите, беа ангажирани спасувачките и трагачките тимови. Беше тивко, одевме чекор по чекор. Веднаш ја завиткавме во термо ќебе и сега е во болница“, рекол еден од учесниците во спасувачката акција.
Вчера спасувачите извлекоа живо и 13-годишно момче од урнатините на зграда во Хатај, повеќе од една недела по разорниот земјотрес.
