Македонскиот Избор на песна за Евровизија 2022 крена навистина голема прашина, многу коментари, многу озборувања, реакции… Фаворитот на публиката, Виктор Апостоловски, ја пееше песната „Супермен“ и имаше повеќе гласови од публиката, 12.631, а втората Андреа само 4.300.
На крајот, да потсетиме, тој и Андреа имаа ист број бодови:20. За победникот одлучи правилото, кое беше востановено во МРТ, за кое сите претходно се согласиле. За Италија ќе патува оној што ќе има повеќе гласови од стручното жири, а тоа беше Андреа, која, секако, сега треба да ја поддржиме.
– Пресреќен сум што добив толку поддршка од нашиот народ! Искрено, не очекував „Супермен“ да сплоти толку многу луѓе. Единствено нешто за што ми е жал е тоа што народот се разочара од финалниот резултат. Па, за утеха, ветувам еден добар спот за „Супермен“ – искрен е несудениот македонски претставник на евровизискиот фестивал.