2-годишното бебе Мухамед, кое остана во урнатините на зградата која се урна во Хатај поради земјотресите во Кахраманмараш, беше спасено 44 часа подоцна. Екипата спасувачи успеала да го пронајде малиот Мухамед по 44 часа под урнатините, останале максимално присебни и како што се гледа и на видеото успеале да го натераат да се напие вода од капаче за шише.
На 6 февруари во Кахраманмараш се случија два земјотреси со јачина од 7,7 и 7,6 степени. Двата земјотреси предизвикаа големи разурнувања во Килис, Дијарбакир, Адана, Османије, Шанлиурфа, Адијаман, Газиантеп, Малатија и Хатај. Илјадници луѓе ги загубија животите во земјотресите. Продолжуваат напорите за пребарување и спасување за затрупаните под урнатините.
Стотици спасувачки тимови и илјадници доброволци работат на спасување на затрупаните од под урнатините.
– Спасувањето на Мухамед донесе голема радост за целата екипа и голема надеж, велат спасувачите за турските медиуми.
ЦЕЛОТО ВИДЕО ПРОСЛЕДЕТЕ ГО НА СЛЕДНИОТ ЛИНК:
https://www.sondakika.com/haber/haber-44-saat-sonra-gelen-kurtulus-2-yasindaki-muhammed-15616169/
