Во специјално издание на емисијата „Стисни плеј” кое се емитуваше во живо на МРТ1 беше објавено дека Андреа ќе не претставува на овогодинешната Евровизија. Имено таа и Виктор Апостоловски има ист број на поени односно по 20 поени. Но како што веќе беше најавено поените од жирито имаат предност па 12-те поени од жирито наспроти 8-те на Виктор беа пресудни иако Виктор имаше огромна предност со 12.621 глас од публиката а Андреа имаше 4300. Таа ќе настапи со песната Circles која е дело на Александар Масевски.
Покрај неа во трка за евровизиски претставник беа Калина Велковска, Виктор Апостоловски, Yon Idy, Ris Flower и Лара Иванова.
Евровизија оваа година ќе се одржи во мај во Торино, Италија. Двете полуфинални вечери се на 10-ти и 12-ти, а големото финале на 14-ти мај. Македонија настапува во второто полуфинале, на 12-ти мај.
