Во пресрет на христијанскиот празник Свети Кирил и Методиј, Општина Штип во соработка со бизнис секторот и јавните претпријатија ќе постави споменик, во чест и за вечна памет на солунските браќа – „Свети Кирил и Методиј“, мисионери на христијанството и создатели на првата азбука на старословенскиот јазик.
Веќе се прават подготовки за поставување на споменикот, а истиот ќе биде лоциран на местото каде во минатото било позиционирано Основното училиште „Свети Кирил и Методиј“ во Штип, изјави градоначалникот на Општина Штип, Иван Јорданов.
