петок, април 19, 2024
spot_img
ПочетнаМагазинЖивотПилот го прекинал летот затоа што му завршила смената – Патниците направиле...
spot_img

Пилот го прекинал летот затоа што му завршила смената – Патниците направиле хаос во авионот!

Пакистански пилот на „Пакистан интернешенел ерлајнс“ одбил да го заврши патувањето бидејќи неговата смена завршила, откако авионот морал принудно да слета. Авионот на пакистанската национална авиокомпанија во неделата требаше да полета за Исламабад, главниот град на Пакистан.

Меѓутоа, пилотот на ПИА бил принуден да слета набргу по полетувањето на аеродромот Дамам во Саудиска Арабија поради лошите временски услови.

Пилотот потоа одбил да лета, велејќи дека неговите часови на смена завршиле.

Ненадејниот пресврт доведе до краток хаос откако вознемирените патници одбија да излезат од авионот и почнаа да протестираат.

Властите на аеродромот во Дамам мораа да го повикаат безбедносниот персонал да ја стави ситуацијата под контрола. На аеродромот е организиран хотелски аранжман за патници.

– Пилотот треба да мирува бидејќи тоа е неопходно за безбедноста на летот. Сите патници ќе пристигнат на аеродромот во Исламабад до 23 часот, додека не се договориме за хотелите – изјави портпаролот на ПИА.

Инцидентот се случи два месеци откако националниот авиопревозник ги прошири своите летови.

ПИА соопшти дека ќе обави 35 летови до Саудиска Арабија секоја недела, откако Јужна Арабија ги укина патните ограничувања на летовите од Пакистан и други земји поради пандемијата на Ковид.

Минатиот месец, група патници беа заробени на летот на Бритиш ервејс повеќе од пет часа откако нивниот пилот беше позитивен на Ковид. Но, се покажа дека е лажно позитивен.

ПОВРЗАНИ ОБЈАВИ
Google search engine
spot_img
spot_img

ПОСЛЕДНО ОБЈАВЕНИ