сабота, декември 10, 2022
Google search engine
ПочетнаМакедонијаРадев со закана до Северна: Патот на Македонија кон ЕУ минува преку...
spot_img

Радев со закана до Северна: Патот на Македонија кон ЕУ минува преку признавање на правата на Бугарите

„Агресијата врз Бугарија и врз Бугарите е всадена кај нашиот сосед со децении. Кога имавме огромен притисок безусловно да дозволиме Република Северна Македонија да ги започне преговорите за членство во ЕУ, јас тогаш двапати наметнав вето и го покренав прашањето пред ЕУ за правата на македонските Бугари, дека нивните права мора прво да се гарантираат со тоа што ќе бидат запишани во Уставот на земјата, а потоа ќе се отвори патот за преговори.

Овој став се бранеше до последно. Благодарение на раководството на француското претседателство и претседателот Макрон, стана факт“. Ова го изјавил денеска претседателот на Бугарија, Румен Радев на прашањето за негов став по нападите на бугарскиот клуб „Цар Борис Трети“ во Охрид.

Тој го осуди најновиот инцидент при кој било употребено огнено оружје.

„Мора да се разбере од државниот врв на Република Северна Македонија, од општеството кај нашиот сосед, дека патот кон Европската Унија минува низ признавањето и почитувањето на правата на македонските Бугари, на нашето културно и историско наследство. Ова е единствениот начин граѓаните на Северна Македонија да тргнат по патот по кој повеќепати изразија дека сакаат да одат, се разбира, со почит кон нашата заедничка историја и заедничките и длабоки историски корени“, нагласил Радев, пренесуваат бугарските медиуми.

ПОВРЗАНИ ОБЈАВИ
Google search engine
spot_img
spot_img

ПОСЛЕДНО ОБЈАВЕНИ