Поради големиот интерес на приватните инвеститори за изградба на фотоволтаични централи, општина Штип започна со постапка за изработка на урбанистичко планска документација со која се предвидуваат градежни парцели, кои подоцна по пат на јавно наддавање да бидат понудени на заинтересираните субјекти. Се работи за две локации во околината на Штип, со површина од 155 ха.
Едната локација се наоѓа во катастарска општина Чардаклија и е со површина од околу 40 ха, а втората локација се наоѓа во КО Ново Село и е поголема, односно е со површина од 115 ха, изјави Лазе Хаџиниколов, одделение за урбанизам – ЛС – Штип.
Фотоволтаични централи се градат на земјиште со полош квалитет. Најмалите се со моќност од 1 магават, а најголемата е со капацитет од 8 мегават часови електрична енергија.
До сега општина Штип има издадено околу 20 одобренија за градење на фотонапонски панели што се поставуваат на земјиште. Исто толку постапки има и за донесување на урабанистиочко планска документација со која ќе се предвиде изградба на ваков тип објекти, кој што се финансирани од страна на приватни инвеститори кои се и сопственци на земјиштето, додаде Хаџиниколов.
Со новите измени на Законот за градба, објектите во кои се стопанисува со лесна незагадувачка индустрија, а се бесправно изградени на крововите ќе можат да постават фотоволтаични панели со моќност до 40 киловат часови електрична енергија и да бидат легализирани.