Македонскиот фудбалски прволигаш Брегалница ја прекина соработката со шефот на стручниот штаб, Илчо Ѓорѓиоски, како и со спортскиот директор на клубот, Никола Тонев.
Ѓорѓиоски и Тонев, кои го водеа спортскиот дел на тимот низ актуелниот дел од сезоната, поднесоа неотповикливи оставки кои раководството на ФК Брегалница се одлучи да ги прифати.
Штипјани и целокупното семејство на штипските „сини“ им благодари на досегашниот шеф на стручниот штаб Илчо Ѓорѓиоски и спортскиот директор Никола Тонев за целокупниот придонес за развојот на клубот изминатиот период, со искрена желба за идна успешна кариера.
Брегалница во моментов се наоѓа на шестото место во ПМФЛ, а оставките доаѓаат непосредно пред настапот во четвртфиналето од Купот на Македонија каде тимот игра со Струга Трим Љум.