Оваа година за првпат во Штип, Макфест ќе биде збогатен со уште еден придружен настан на Плоштад Слобода!
Масовноста на реномираниот фестивал ја зголемуваме со настан во името на виното и музиката, на кој во живо ќе се проследат двете фестивалски вечери, а потоа ќе следуваат изведби на најголемите хитови од истиот.
На овој несекојдневен настан ќе се потсетиме на: „Кога те нема“ од Хелена Благне, „Таму кај што си“ од Ристо Самарџиев, „Осамен“ од Трајче Манев, „Виолина и гитара“ од Дуле и Коки, сѐ до „Никогаш не вели никогаш“ од Антонија Гиговска, „Тажна љубов, среќна песна“ од Тамара и многу други незаборавни мелодии!
Поканети сте сите, затоа што Штип овој викенд ќе пулсира во ритамот на Макфест!
