Ново уредување ќе добие плоштадот „Слобода“ во Штип. Всушност, ова подразбира дека Штипјани ќе добијат градски плоштад со поголеми содржини и зеленило.
Од моменталниот изглед на плоштадот не е задоволен и првиот човек на градот, Иван Јорданов, кој потенцираше дека Штипјани заслужуваат нешто подобро и поубаво, место кое што ќе биде моредно и урбано, вистинско огледало на градот.
„Плоштадот во Штип е руиниран, има потеба од санација и поголемо зеленило на оваа површина. Проект што го имаме предвидено за следната година. Штипјани во овој дел од градот ќе добијат модерен и урбан плоштад, кој ќе биде одлично катче за шетање и рекреација“, изјави Јорданов.
