Снимка од жестока тепачка меѓу жени се појави деновиве на социјалните мрежи, а иако нема сигурна информација за локацијата и за времето кога е снимено видеото, многумина коментираат дека се работи за плажата во Паралија, во северна Грција, пред неколку дена.
На снимката се гледа како една од жените прво влегува во конфликт со маж, а потоа се вмешува друга жена и настанува хаос. Покрај нив има дете во гума, на кое никој повеќе не обрнува внимание, откако почна пресметката.
„Го ставија детето во опасност. Додека тие се тепаат, детето можеше да биде одвлечено во длабочините од морската струја“, коментира еден корисник на Твитер.
