Почнува уредувањето на булеварот „Гоце Делчев“ во Штип. Проектот предвидува хортикултурно уредување и нови тротоарски површини, а потоа и нов асфалтен слој на коловозот, се со цел да се уреди влезот во градот.
„Од бензиската Лукоил до вториот кружен тек кај поранешна Алумина ќе биде асфалтиран влезниот булевар на Штип. Покрај тоа ќе биде изграден и проширен соодветен тротоар за пешаците, а дополнително ќе има и хортикултурно уредување“, изјави градоначалникот на Општина штип, Иван Јорданов.