Поскапувањата никако да запрат по растот на цените на млекото, пораснаа и млечните производи.
Граѓаните велат дека цените на млечните производи се зголемени во просек по 20 денари за килограм. Нема веќе сирење под 200 денари за килограм и урдата од 100 денари за килограм.
Од млекарниците велат дека поскапувањето на млечните производи се должи на порастот на млекото, електрична енергија, транспортот.
Според сточарите, пак, откупната цена на суровото млеко сè уште не е зголемена, се очекува наскоро и таа да се зголеми и да има дополнителен раст на цената на млечните производи.
